सीता भण्डारी
गुल्मी, २ असार । छिमेकीको कुटाइबाट जुभुङ् २ मा ३ जना गम्भिर घाईते भएका छन । छिमेकीको कुटाईबाट जुभुङ्ग २ का ६३ बर्षिय पार्वतादेवी बलाल, उहाँका छोरा ३६ बर्षका डम्मर बलाल र छिमेकी ५६ बर्षिय मीना घर्ती गम्भिर घाईते भएका हुन ।
स्थानीय कृष्ण बहादुर थापाले आईतबार साझँ ५ बजेतिर कुटो तथा हँसिया प्रहार गरेको प्रहरीले जनाएको छ । घाईतेहरु मध्ये पार्वतादेवी बलाल, उहाँका छोरा ३६ बर्षका डम्मर बलाल को जिल्ला अस्पताल तम्घासमा सामान्य उपचार पछि पाल्पा पठाइएको छ भने मीनाको जिल्ला अस्पताल तम्घासमै उपार भैरहेको प्रहरीले जनाएको छ । आक्रमण गर्ने कृष्ण बहादुरलाई प्रहरीले नियन्त्रण लिई छानविन शुरु गरेको जिल्ला पं्रहरी कार्यलय गुल्मीका प्रहरी निरिक्षक राजेन्द्र श्रेष्ठले जानकारी दिनुभएको छ । कुष्ण बहादुरले मादक पर्दाथ सेवन गरेको जानकारी प्राप्त भएपनि घटनाको मुख्य कारण भने खुल्न सकेको छैन ।
गुल्मीन्युज डटकम
थप जानकारी
कुटाइमा संलग्न कृष्ण बहादुर थापा झिर्बास तल्ला गाउँ निवासी कृषक हुन् | उनले रागो पालन ,ब्रोइलर कुखुरा पालन साथै खसी-बोका पालनमा गर्दै आएका छन् | साथै उनि सामाजिक कार्यमा पनि संलग्न छन् |
एक अपुष्ट जानकारी अनुसार पार्वतादेवी बलाल र कृष्ण बहादुर थापा बीच रागोको बहाल उठाउने विषयमा कुरा नमिल्दा झगडाको रुप हुदै लडाई समेत भएको र पार्वतादेवी बलाल पक्षले आफ्नो लगाएको गहना लुट्ने प्रयास समेत भएको आरोप कृष्ण बहादुरलाइ लगाएका छन् |घटना पछी कृष्ण बहादुर त्यहाबाट भागेका थिए | पछि स्थानीय बासिन्दाले मजुवा स्थित प्रहरी चौकीमा घटनाको बिस्तृत जानकारी गरेका थिए र मजुवाबाट खटिएको प्रहरीले कृष्ण बहादुरको खोजि गरेको थियो तर कृष्ण बहादुर आफै जिल्ला प्रहरी समक्ष सरणमा पुगेका थिए | र हाल भने प्रहरीले थप अनुसन्धान गरिरहेको बुझिएको छ |
